മൊബൈൽ ടോർച്ചിൽ ബസ് ഓട്ടം; മൂന്ന് ജീവനക്കാർ സസ്‌പെൻഡിൽ

 

ബെംഗളൂരു: ഹെഡ്‌ലൈറ്റ് തകരാറിലായതിനെ തുടർന്ന് മൊബൈൽ ഫോണിലെ ടോർച്ചിന്റെ വെളിച്ചത്തിൽ രാത്രി ബസ് ഓടിച്ച സംഭവത്തിൽ ഡ്രൈവർ ഉൾപ്പെടെ മൂന്ന് ജീവനക്കാരെ സസ്‌പെൻഡ് ചെയ്തു. കല്യാണ കർണാടക റോഡ് ട്രാൻസ്‌പോർട്ട് കോർപ്പറേഷൻ (കെ.കെ.ആർ.ടി.സി.) അധികൃതരാണ് നടപടി സ്വീകരിച്ചത്.

സംഭവത്തിൽ ബസ് ഡ്രൈവർ ആകാശ്, ഡിപ്പോയിലെ സാങ്കേതിക വിഭാഗം സൂപ്പർവൈസർ ബസവരാജ്, ജീവനക്കാരൻ ശിവാനന്ദ് എന്നിവരെയാണ് അന്വേഷണത്തിന്റെ ഭാഗമായി സസ്‌പെൻഡ് ചെയ്തത്.

കലബുറഗി–ചിൻചോലി റൂട്ടിൽ സർവീസ് നടത്തുകയായിരുന്ന ബസിന്റെ ഹെഡ്‌ലൈറ്റ് യാത്രാമധ്യേ തകരാറിലായിരുന്നു. തുടർന്ന് ബസ് നിർത്തിവെക്കുകയോ മറ്റൊരു സംവിധാനം ഒരുക്കുകയോ ചെയ്യുന്നതിനുപകരം, കണ്ടക്ടർ മൊബൈൽ ഫോണിലെ ടോർച്ച് തെളിച്ച് മുൻവശത്തെ ചില്ലിലൂടെ പുറത്തേക്ക് വെളിച്ചം കാട്ടി. ഈ വെളിച്ചത്തിന്റെ സഹായത്തോടെയാണ് ഡ്രൈവർ ബസ് ഓടിച്ച് യാത്ര തുടർന്നത്.

സംഭവത്തിന്റെ വീഡിയോ സാമൂഹികമാധ്യമങ്ങളിൽ വ്യാപകമായി പ്രചരിച്ചതോടെ കെ.കെ.ആർ.ടി.സി. അന്വേഷണം ആരംഭിച്ചു. യാത്രക്കാരുടെ സുരക്ഷ ഗുരുതരമായി അപകടത്തിലാക്കിയ സംഭവമാണിതെന്ന് വിലയിരുത്തിയാണ് ബന്ധപ്പെട്ട ജീവനക്കാർക്കെതിരെ സസ്‌പെൻഷൻ നടപടി സ്വീകരിച്ചത്. സംഭവത്തിൽ കൂടുതൽ വകുപ്പുതല അന്വേഷണം തുടരുകയാണ്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/