അഹമ്മദാബാദ്: 2008ലെ അഹമ്മദാബാദ് സ്ഫോടനപരമ്പരക്കേസിൽ പ്രത്യേക കോടതി വിധിച്ച 38 പ്രതികളുടെ വധശിക്ഷ ഗുജറാത്ത് ഹൈക്കോടതി ശരിവെച്ചു. വധശിക്ഷ ലഭിച്ചവരിൽ മൂന്ന് മലയാളികളും ഉൾപ്പെടുന്നു. ഒരു മലയാളിയുൾപ്പെടെ 11 പ്രതികൾക്ക് വിധിച്ച ജീവപര്യന്തം തടവും ഹൈക്കോടതി നിലനിർത്തി.
2008 ജൂലൈ 26ന് ഇന്ത്യൻ മുജാഹിദ്ദീൻ ആസൂത്രണം ചെയ്ത സ്ഫോടനപരമ്പരകളിൽ 56 പേർ കൊല്ലപ്പെടുകയും 246 പേർക്ക് പരിക്കേൽക്കുകയും ചെയ്തിരുന്നു. രാജ്യത്തെ നടുക്കിയ ഭീകരാക്രമണങ്ങളിൽ ഒന്നായാണ് ഈ കേസ് വിലയിരുത്തപ്പെടുന്നത്.
വധശിക്ഷ ശരിവെക്കപ്പെട്ട മലയാളികൾ കോട്ടയം ഈരാറ്റുപേട്ട സ്വദേശികളായ അബ്ദുൾ കരീമിന്റെ മക്കളായ ശിബിലി (47), ശാദുലി (45), മലപ്പുറം കൊണ്ടോട്ടി സ്വദേശി സൈനുദ്ദീന്റെ മകൻ ഇ.ടി. ഷറഫുദ്ദീൻ (43) എന്നിവരാണ്. ആലുവ കുഞ്ഞനിക്കര സ്വദേശി പെരുന്തല്ലി മുഹമ്മദ് അൻസാർ (45) ഉൾപ്പെടെ 11 പ്രതികൾക്ക് ലഭിച്ച ജീവപര്യന്തം തടവും ഹൈക്കോടതി അംഗീകരിച്ചു.
2022 ഫെബ്രുവരി 18ന് അഹമ്മദാബാദിലെ പ്രത്യേക കോടതി ജഡ്ജി എ.ആർ. പട്ടേൽ 49 പ്രതികൾക്ക് ശിക്ഷ വിധിച്ചിരുന്നു. ഈ വിധിയാണ് ജസ്റ്റിസുമാരായ എ.വൈ. കോഗ്ജെയും എസ്.ജെ. ദവെയും അടങ്ങുന്ന ഡിവിഷൻ ബെഞ്ച് പൂർണമായി ശരിവെച്ചത്.
സ്ഫോടനത്തിൽ കൊല്ലപ്പെട്ടവരുടെ കുടുംബങ്ങൾക്ക് 2027 മാർച്ച് 31നകം നഷ്ടപരിഹാരം നൽകാൻ ഗുജറാത്ത് സർക്കാരിനോട് ഹൈക്കോടതി നിർദേശിക്കുകയും ചെയ്തു.
ഗുജറാത്ത് കലാപത്തിന് പ്രതികാരമെന്ന പേരിൽ ഇന്ത്യൻ മുജാഹിദ്ദീൻ രാജ്യത്തെ വിവിധ നഗരങ്ങളിൽ നടത്തിയ സ്ഫോടനപരമ്പരകളിൽ ഏറ്റവും രൂക്ഷമായ ആക്രമണങ്ങളിലൊന്നായിരുന്നു അഹമ്മദാബാദ് സ്ഫോടനപരമ്പര.
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
