സീലിങ് ഫാൻ ഉപയോഗം കൂടുതലാണോ? വൈദ്യുതി ബിൽ ഇനി നിസാരമാകില്ല
രാത്രിയിലെ ഉപയോഗം കൂടാതെ പകലും സീലിങ് ഫാൻ മണിക്കൂറുകളോളം പ്രവർത്തിപ്പിക്കുന്നവരുണ്ട്. ചൂടുകാലമാണെങ്കിൽ പറയുകയും വേണ്ട. ലിവിങ് റൂമിലും ഡൈനിങ് റൂമിലും ഒക്കെ ഫാനുകൾ കറങ്ങുന്നത് മിക്കവരും ശ്രദ്ധിക്കാറില്ല. ഇത്തരം അലസമായ ഉപയോഗം കുറക്കാം. അതുപോലെ ഏറ്റവും കൂടുതൽ വൈദ്യുതി ഉപയോഗിക്കുന്ന പീക്ക് അവറിലെ വൈദ്യുതോപകരണങ്ങളുടെ പ്രവർത്തനവും പരമാവധി കുറക്കണം. രാത്രിയിൽ നിരവധി ബൾബുകൾ തെളിച്ചിടുന്നതും വൈദ്യുതിതാലങ്കാരങ്ങൾ നിയന്ത്രിക്കുന്നതും എല്ലാം ഗുണം ചെയ്യും.
സീലിംഗ് ഫാൻ മണിക്കൂറിൽ എത്ര വൈദ്യുതി ഉപയോഗിക്കും?
പവർ അളക്കുന്നത് വാട്ടിലും കിലോവാട്ടിലും ആണ്. 75 വാട്ടിൻെറ ഒരു സീലിങ് ഫാൻ ഒരു ദിവസം 12 മണിക്കൂർ വീതം കറങ്ങിയാൽ ഒരു മാസം ഏകദേശം 27 യൂണിറ്റിലേറെ വൈദ്യുതി ചെലവാകും. അപ്പോൾ വീട്ടിലെ എല്ലാ ഫാനുകളും ഇത്ര തന്നെ മണിക്കൂർ കറങ്ങിയാലോ?
ഒരു മണിക്കൂറിൽ ഒരു സീലിംഗ് ഫാനിൻെറ വൈദ്യുതി ഉപഭോഗം അളക്കുന്നത് കിലോ വാട്ട് അവറിലാണ്. ( KWH). വീട്ടിൽ, പകൽ നാല് മണിക്കൂറും രാത്രി എട്ട് മണിക്കൂറും പ്രവർത്തിക്കുന്ന ഒരു ഫാൻ ഉപയോഗിക്കുന്ന വൈദ്യുതി കണക്കാക്കാം. ഇതിന് ഫാനിൻെറ റേറ്റുചെയ്ത പവറിനെ പ്രവർത്തന സമയവുമായി ഗുണിക്കേണ്ടി വരും. ഒരു ദിവസം ഫാൻ ഉപയോഗിക്കുന്ന വൈദ്യുതി = 75 വാട്ട് ആണെങ്കിൽ 75 X 12 മണിക്കൂർ ഏകദേശം 900-WH വരും . ഒരു മാസം 27 KWH ആയിരിക്കും ഉപയോഗം. ഏകദേശം 27 യൂണിറ്റോളം വരുമിത്. ഫാനിൻെറ വലുപ്പം, മോട്ടോർ എന്നിവയൊക്കെ അനുസരിച്ച് ഇതിൽ ഏറ്റക്കുറച്ചിലുകൾ വരാം.
