‘മൂൺ ഹാലോ’യ്ക്ക് സാക്ഷിയായി കേരളം.രാത്രി ആകാശത്ത് അദ്ഭുതക്കാഴ്ച
മൂൺ ഹാലോ’ (Moon Halo) പ്രതിഭാസത്തിന് സാക്ഷിയായി കേരളം. ഇന്നലെ രാത്രിയാണ് മൂൺ ഹാലോ പ്രത്യക്ഷപ്പെട്ടത്.റിഫ്രാക്ഷൻ, അല്ലെങ്കിൽ പ്രകാശത്തിന്റെ വിഭജനം, ഐസ് ക്രിസ്റ്റലുകളിൽ നിന്നുള്ള പ്രതിഫലനം കൂടാതെ പ്രകാശത്തിന്റെ തിളക്കം എന്നിവയാണ് ഹാലോ ആയി കാണപ്പെടുന്നത്.ചന്ദ്രപ്രകാശം, അന്തരീക്ഷത്തിൽ താൽക്കാലികമായി തങ്ങിനിൽക്കുന്ന സിറസ് മേഘങ്ങളിലെ ദശലക്ഷക്കണക്കിന് ഐസ് പരലുകളിൽ റിഫ്രാക്റ്റ് ചെയ്യുന്നത് മൂലം ആണ് ഇത് രൂപം കൊള്ളുന്നത്. ഇതിനെ ‘ലൂണാർ ഹാലോ’ എന്നും വിളിക്കുന്നു. സൂര്യന് ചുറ്റും ഇതുപോലെ സംഭവിക്കാം അതിനെ ‘സൺ ഹാലോ’, സോളർ ഹാലോ’ എന്നു വിളിക്കും.മൂണ് ഹാലോയില് രണ്ടു വളയങ്ങളായാണുണ്ടാകുക. ആദ്യത്തെ വളയം ചന്ദ്രനില് നിന്ന് 22 ഡിഗ്രി ചെരിഞ്ഞും രണ്ടാമത്തേത് 44 ഡിഗ്രി ചെരിഞ്ഞുമാണ് കാണപ്പെടുക. മഞ്ഞുതുള്ളികളാണ് ഇവയുടെ രൂപപ്പെടലിന് കാരണം. തന്നെ മൂണ് ഹാലോകള് ഏറ്റവുമധികം ദൃശ്യമാകുക ശൈത്യമേഖലകളിലാണ്.
മൂണ് ഹാലോ’ പ്രകാശം അന്തരീക്ഷത്തിലെ മഞ്ഞുകണങ്ങളില് തട്ടി പ്രതിഫലിക്കുന്നതാണെങ്കില്, രാത്രിയില് പ്രകാശം ജലകണങ്ങളില് തട്ടി ഇത്തരത്തില് പ്രഭാവവലയം ഉണ്ടാകുന്നത് ‘മൂണ് ബോ’ എന്ന് അറിയപ്പെടുന്നു. സൂര്യപ്രകാശത്തില് മഴവില്ല് രൂപപ്പെടുന്നതിന് സമാനമായ പ്രതിഭാസമാണിത്. ‘മൂണ് ഹാലോ’യുമായി താരതമ്യം ചെയ്താല് അപൂര്വമായാണ് ‘മൂണ് ബോ’കള് പ്രത്യക്ഷപ്പെടുന്നത്. ചന്ദ്രന്റെ പ്രകാശം സൂര്യനെ അപേക്ഷിച്ച് 40,000 മടങ്ങ് കുറവായതുകൊണ്ടും വളരെ തെളിഞ്ഞ ആകാശത്ത് മാത്രമേ ഇവയേ കാണാന് സാധിക്കൂ.
by 
0 #type=(blogger):
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.